जालन्यातील अंतारवाली या गावात मराठा आंदालनाला हिंसक वळण लागले. मराठा आरक्षाणासाठी आंदोलन करणाऱ्या आंदोलकांवर पोलिसांकडून लाठीचार्ज करण्यात आला. यावेळी पोलिसांनी आंदोलकांची धरपकड देखील करण्याचा प्रयत्न केला.

या घटनेची माहिती आजूबाजूच्या परिसरात पोहोचताचं दुसऱ्या ठिकाणीही हिंसक गोष्टी बघायला मिळाल्या. धुळे-सोलापूर महामार्गावर एसटी बस पेटवण्यात आली. मात्र, ही बस कशामुळे पेटली यामागील कारण अद्याप अस्पष्ट आहे.

यावर महाराष्ट्राचे मुख्यमंत्री एकनाथ शिंदेंनी उच्चस्तरीय चौकशीचे आदेश दिले आहे.