सोलापूर : आमदार आणि रयत क्रांती संघटनेचे संस्थापक सदाभाऊ खोत (Sadabhu Khot) यांनी राष्ट्रवादी काँग्रेसचे ज्येष्ठ नेते शरद पवार (Sharad Pawar) यांच्यावर खोचक शब्दांत टीका केली आहे. "पवारांचं आडनाव बदलून आगलावे करावं", असं सदाभाऊंनी म्हटलं आहे. (Lets change Pawar Surname as Aaglawe Sadabhau Khot criticizes on Sharad Pawar)

सोलापूरमध्ये मीडियाशी बोलताना सदाभाऊ खोत यांनी शरद पवार यांच्यावर प्रतिक्रिया दिली. ते म्हणाले, "पवार साहेब महान नेते आहेत. त्यांनी राज्यात काड्या लावण्यापलिकडं काहीही केलेलं नाही. जाईल तिथं आग लावायची आणि परत दुसऱ्या घराला परत आग लावायला निघून जायचं. आयुष्य त्यांचं आग लावण्यातचं गेलं. म्हणून मला वाटतं त्याचं आडनावचं आता 'आगलावे' करावं जेणे करुन राज्याची होरपळ आता थांबली पाहिजे"

ईडीच्या धाडी येड्यांवर पडत आहेत. सज्जनांना ईडीचा काहीही त्रास नाही, असंही सदाभाऊंनी म्हटलं आहे. तसेच शेतकऱ्यांच्या वीजबिलावरुन त्यांनी महाविकास आघाडीला कडक इशाराही दिला. वीजबील मागाल तर दांडक्यानं सोलून काढू, संपूर्ण वीजबील तुम्हाला माफ करावचं लागेल, असं त्यांनी म्हटलं आहे.