मुंबईः सारेगमप लिटल चॅम्प्सचं पहिलं सीझन गाजवलेले प्रथमेश लघाटे आणि मुग्धा वैशंपायन यांनी आज सोशल मीडियावर एक पोस्ट केली आहे. त्यामुळे त्या दोघांचं ठरलंय हे मात्र नक्की.

प्रथमेश लघाटेने त्याच्या इन्स्टा अकाऊंटवरुन मुग्धासोबता एक फोटो शेअर केला आहे. त्याला कॅप्शन देत त्याने अनेकांच्या आमच्याकडून एका बातमीची अपेक्षा आहे. तर शेवटी आमचं ठरलंय, अशी पोस्ट त्याने केलीय.

त्यामुळे या दोघांचं काय ठरलंय, असा प्रश्न चाहत्यांना पडला आहे. कमेंटमध्ये अनेकांनी दोघांचं जोरदार स्वागत केलं आहे. सोशल मीडियावर या दोघांच्या लग्नासंबंधी चर्चा सुरु झाल्या आहेत. लिटल चॅम्प्समधील कार्तिकीने दोन वर्षांपूर्वी लग्न केलं.

सारेगमप लिटल चॅम्प्सचं पहिलं पर्व खूपच गाजलं होतं. प्रथमेश लघाटे, आर्या आंबेकर, मुग्धा वैशंपायन, कार्तिकी गायकवाड, रोहित राऊत यांनी महाराष्ट्राला वेड लावलं होतं. आर्या आंबेकर आता एक प्रतिथयश गायिका आहे.

प्रथमेश लघाटेच्या मुग्धासोबतच्या पोस्टने दोघांच्या नात्याविषयी चर्चा सुरु झाल्या आहेत. दोघांचं नेमकं काय ठरलंय, हे मात्र त्यांनी स्पष्ट सांगितलेलं नाही. दोघांनी रोमँटिक फोटो शेअर केल्याने नक्की त्यांना काय सांगायचंय, हे चाहत्यांना लक्षात येऊ लागलं आहे.