मुंबई : अचारसंहितेमुळं पंढरपुरात आषाढी एकादशीची विठ्ठलाची महापूजा मुख्यमंत्री एकनाथ शिंदे यांच्या हस्ते होणार की नाही याबाबत संभ्रम निर्माण झाला होता. पण आता हा संभ्रम दूर झाला असून CM शिंदे यांच्या हस्तेच सपत्नीक आषाढीची महापूजा पार पडणार आहे, यासाठी निवडणूक आयोगानं हिरवा कंदील दाखवला आहे. उद्या रविवारी विठ्ठलाची शासकीय महापूजा पार पडणार आहे. (Mahapuja of Vitthal will be held hands of CM Shinde Green signal of EC)

राज्यात काल नगरपालिका निवडणुकांची घोषणा झाली त्यामुळं लगेचच आचारसंहिताही लागू झाली आहे. यापार्श्वभूमीवर सोलापूरच्या जिल्हा प्रशासनानं आदर्श आचारसंहितेचं उल्लंघन होऊ नये याची खबरदारी घेण्यासाठी राज्य निवडणूक आयोगाकडं मुख्यमंत्री एकनाथ शिंदे यांच्या दौऱ्याबाबत परवानगी मागितली होती. यावर आता निवडणूक आयोगानं सशर्त परवानगी दिली आहे.

CM शिंदेंच्या दौऱ्यासाठी 'या' अटी घातल्या

पंढरपूरच्या दौऱ्यात मुख्यंमत्री एकनाथ शिंदे यांना कोणत्याही निधीची आणि कार्यक्रमांची घोषणा करता येणार नाही.

पंढरपूरमधील ठरलेल्या कार्यक्रमांना नियमानुसार परवानग्या घेणं आवश्यक

कार्यकर्त्यांचा मेळावा घ्यायचा असल्यास ठराविक अटींचं पालन करणं आवश्यक

पंढरपुरात मुख्यमंत्र्यांचा कसा आहे कार्यक्रम?

एकादशी दिनी पहाटे शासकीय महापूजा होणार

विठ्ठलाची महापूजा झाल्यानंतर इस्कॉन आंतरराष्ट्रीय मंदिराचा भूमिपूजन

सकाळी ११ वाजता स्वच्छता दिंडी, दुपारी शिवसेना पक्षमेळावा