काँग्रेसचे प्रदेशाध्यक्ष नाना पटोले यांच्या अडचणीत वाढ होताना दिसत आहे. मागील काळात पक्षांतर्गत वादात केंद्रातील नेत्यांनी हस्तक्षेप केला तरी देखील हा वाद थांबायचं नाव घेत नाही.

मात्र आता थेट नाना पटोलेंना प्रदेश अध्यक्षपदावरुन हटवा आणि शिवाजीराव मोघेंना अध्यक्ष करा, अशी मागणीच विदर्भातील 24 मोघे समर्थकांनी केली आहे.

तर त्यांच्यावर आरोप करण्यात आले आहेत की, पटोले यांनी काँग्रेसमध्ये गटबाजी आणली, पक्षात दलित-मुस्लिम आणि आदिवासी यांना दूर केले. त्यामुळं आता पुढचा काँग्रेस प्रदेशाध्यक्ष आदिवासी समाजातूनच करावा, अशी मागणी काँग्रेसचे निरिक्षक रमेश चेन्निथला यांच्याकडे करण्यात आली आहे.

पटोले यांच्यामुळे पारंपारीक मतदार असलेले दलित, मुस्लीम आणि आदिवासी दुरावले आहेत. असा दावा शिवाजीराव मोघेंच्या समर्थकांनी केला आहे.

तर नाना पटोले पक्षाच्या बैठकीत कोणाचं ऐकत नाही, असा देखील त्यांच्यावर करण्यात आला आहे. मात्र आता रमेश चेन्निथला याबाबत काय निर्णय घेणार याकडं सर्वांचं लक्ष लागलं आहे.