मुंबई : राज्यात आज केवळ 5 कोरोना बाधित (corona patients) रुग्णांच्या मृत्यूची नोंद झाली. कोरोना काळातील (corona pandemic) ही नीचांकी नोंद झाली असून मृतांचा एकूण आकडा 1,41,264 इतका झाला आहे.राज्यात दैनंदिन बाधित रुग्णांची संख्या ही कमी झाली असून आज 569 नवे रुग्ण (corona new patients) सापडले.

औरंगाबाद ,कोल्हापूर ,लातूर ,नागपूर मंडळात एकाही मृत्यूची नोंद झाली नाही. तर ठाणे 2,नाशिक 1,पुणे 2 मंडळात मृत्यू नोंदवले गेले. राज्यात आज 569 नवीन कोरोना बाधित रुग्ण सापडले. करोना बाधित रुग्णांची एकूण संख्या 66,44,452 झाली आहे.राज्यातील मृत्यूदर 2.12 टक्क्यांवर पोहोचला आहे. सक्रिय रुग्णांची संख्या ही कमी होऊन 6,507 इतकी आहे.

आज 498 रुग्ण कोरोनामुक्त झाले. कोरोनातून बरे होणाऱ्या रुग्णांची संख्या 64,93,002 इतकी आहे. राज्यातील रुग्ण बरे होण्याचे प्रमाण वाढून 97.72 % एवढे झाले आहे. सध्या राज्यात 74,190 व्यक्ती होमक्वारंटाईनमध्ये आहेत तर 887 व्यक्ती संस्थात्मक क्वारंटाईनमध्ये आहेत.