मुंबई : राज्यातील सक्रिय कोरोनाबाधितांची (Corona Update) संख्या 25, 735 वर गेली आहे. गेल्या 24 तासांत राज्यात नव्या 3,957 कोरोना बाधितांची नोंद करण्यात आली आहे. तर आज दिवसभरात 3,696 रुग्णांनी कोरोनावर मात केली असून, सात जणांचा कोरोनामुळे मृत्यू झाल्याची नोंद करण्यात आली आहे. (Maharashtra Corona Update News In Marathi)

सध्या राज्याच्या मृत्यूदर 1.85 टक्क्यांवर गेला असून, रुग्ण बरे होण्याचे प्रमाण 97.82 टक्के इतके झाले आहे. सध्या राज्यात 25,735 सक्रिय कोरोना बाधितांची नोंद करण्यात आली असून, मुंबईत सर्वाधिक 11,844 इतक्या सक्रिय कोरोना रूग्णांची नोंद करण्यात आली आहे. तर, या पाठोपाठ ठाण्यामध्ये 5655 सक्रिय रुग्ण आहेत. दुसरीकडे देशात 14 हजार 506 नव्या कोरोनाबाधितांची नोंद करण्यात आली असून 30 जणांचा कोरोनामुळे मृत्यू झाला आहे. गेल्या 24 तासांत देशात कोरोनाच्या सक्रिय रुग्णांची संख्या 99 हजार 602 वर गेली आहे.