Maharashtra Free Health Treatment : संपूर्ण राज्याच्या विचार केला तर अतिशय महत्त्वाची आणि आनंदाची बातमी समोर आली आहे. ती म्हणजे यापुढे राज्यातील सार्वजनिक आरोग्य विभागाच्या सर्व रुग्णालयांमध्ये नागरिकांना मोफत उपचार मिळणार आहेत. मंत्रिमंडळाच्या बैठकीमध्ये एकमताने हा निर्णय घेण्यात आला आहे.
शासनाने घेतलेल्या निर्णयामुळे राज्यातील गरीब गरजू रुग्णांना मोठा दिलासा मिळणार असून यामुळे सर्वच रुग्णांमध्ये आनंदाचे वातावरण पाहायला मिळत आहे.
आरोग्यमंत्री प्रा.डॉ.तानाजी सावंत यांच्या पाठपुराव्यामुळे हा निर्णय घेण्यात आला असून त्यांना मोठे यश मिळाले आहे.
भारतीय राज्यघटनेतील आर्टिकल २१ नुसार Right to Health चा नागरिकांना अधिकार आहे. त्यानुसार आजचा हा निर्णय घेण्यात आला आहे. प्राथमिक आरोग्य केंद्र, ग्रामीण रुग्णालय, स्त्री रुग्णालय, जिल्हा सामान्य रुग्णालय, उपजिल्हा रुग्णालय, संदर्भ सेवा रुग्णालय (Super Speciality Hospital - नाशिक आणि अमरावती), कॅन्सर हॉस्पिटल नागरिकांना मोफत उपचार मिळणार आहे.
सध्या या सर्व रुग्णालयांमध्ये वर्षभरात सरासरी अडीच कोटी नागरिक उपचार घेण्यासाठी येत असतात. राज्यात सार्वजनिक आरोग्य विभागाच्या एकूण २५१८ शाखा आहेत. या सर्व ठिकाणी नागरिकांना निशुल्क उपचार मिळणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.