ठाकरे गटाच्या शिष्टमंडळाने आज राष्ट्रपती द्रौपदी मुर्मू यांची भेट घेतली. यावेळी त्यांनी राज्यातील सध्याची चिंताजनक परिस्थिती राष्ट्रपतींसमोर मांडली. महाराष्ट्राने अनेक संकट झेलली पण अशी परिस्थिती कधीच नव्हती.

मंत्री जाहीर सभेतून एकमेकांना आव्हान देत आहेत. एक सर्वसमावेशक भूमिका घेऊन आम्ही राष्ट्रपतींची भेट घेतल्याचे संजय राऊत यांनी स्पष्ट केले. इतर कोणाच्याही आरक्षणाला धक्का न लावता मराठा समाजाला सामावून घेताना घटनेत तरतूद करून घ्यावी.

हे सगळ संसद आणि केंद्र सरकारच्या हातात आहे. येत्या अधिवेशनात विशेष प्रस्ताव आणून तो या सोडवावा, अशी मागणी ठाकरे गटाने राष्ट्रपतींकडे केली. राष्ट्रपती द्रौपदी मुर्मू यांनी आश्वासन दिलं आहे की या विषयात लक्ष घालून तोडगा काढण्याबाबत चर्चा केली जाईल, अशी माहिती संजय राऊत यांनी दिली आहे. राज्यात शांतता राहावी, तो दुभंगला जाऊ नये ही आमची भूमिका आहे.

आरक्षणाची मर्यादा वाढवायची असेल तर ती संसदेत आणावी लागते. मग हे राज्यात काय करणार आहेत? ते टिकत नाही हे अताच्या हरियाणावरून दिसून आलं आहे. येत्या अधिवेशनात सर्वसमावेशक आरक्षण द्यावे, अशी मागणी संजय राऊत यांनी केली.

सर्वपक्षीय शिष्टमंडळ केंद्रात आणायचं काम राज्य सरकारने करावं. राज्य सरकार घटनाबाह्य असलं तरी त्यांनी घटना दुरुस्ती करावी. पंतप्रधान किंवा गृहमंत्री यांना विषय माहीत नाही का? ते राज्यात आले तेंव्हा जारांगे उपोषणाला बसले होते, असे संजय राऊत यांनी म्हटले आहे.