Karjat Crime News: विवाहितेच्या मृत्यूस कारणीभूत ठरल्याच्या आरोपावरून सहा जणांवर खुनाचा गुन्हा दाखल झाला आहे. मात्र सर्वजण पसार झालेले आहेत. सोनाली दीपक पांडुळे (वय ३५, रा. बर्गेवाडी) असे मयत विवाहितेचे नाव आहे.

जोपर्यंत खुनाचा गुन्हा दाखल करून सर्व आरोपींना अटक करीत नाहीत, तोपर्यंत अंत्यसंस्कार करणार नाहीत, अशी भूमिका विवाहितेच्या नातेवाईकांनी घेतली. मात्र, खुनाचा गुन्हा दाखल झाल्यावर व आरोपींना त्वरित अटक करण्याचे आश्वासन दिल्यानंतर बर्गेवाडी येथे विवाहितेवर अंत्यसंस्कार केले.

याबाबत गौरव झिंजे यांनी दिलेल्या फिर्यादीत म्हटले आहे की, माझी बहीण सोनाली दीपक पांडुळे (वय ३५, रा. बर्गेवाडी, कर्जत) हिचा वीस वर्षांपूर्वी विवाह झालेला आहे. घराचे बांधकामासाठी पाच लाख रुपये घेऊन येण्यासाठी शारीरिक व मानसिक छळ केला जात होता. १९ तारखेला तिने गळफास घेतल्याचे समजले.

त्यांनी तिचा मृतदेह कर्जत येथील उपजिल्हा रुग्णालयात पाहिले असता तिच्या गळ्याला दोर बांधलेला होता, तसेच त्याचा व्रण उमटलेला होता. यावरून फिर्यादीने माझी बहीण सोनाली दीपक पांडुळे हिस घर बांधण्यासाठी माहेरून पैसे न आणल्याने, तसेच ती दुसऱ्याच्या येथे मजुरीचे कामास जात नाही या कारणावरून छळ करून दोरीच्या साहायाने गळफास देऊन तिचा खून केला आहे. (Latest Marathi News)

या फिर्यादीवरून येथील पोलिसांनी नंदाबाई अंबादास पांडुळे, अंबादास बलभीम पांडुळे, दीपक अंबादास पांडुळे, दादा अंबादास पांडुळे, शोभा दादा पांडुळे आणि रेखा तुकाराम देमुंडे (रा. बर्गेवाडी, ता. कर्जत) यांच्यावर खुनाचा गुन्हा दाखल केला आहे. (Latest Marathi News)