काही दिवस विश्रांती घेतल्यानंतर वायव्य भारतातून (India) थंडीला सुरूवात झाली आहे. पुढील दोन दिवस वायव्य भारत, गुजरात (Gujrat) आणि महाराष्टात (Maharastra)तापमानात कोणताही बदल होण्याची शक्यता नाही. पुढील दोन दिवस राज्यात हवामान जैसे थे राहणार आहे. पण त्यानंतर 21 डिंसेबरपासून राज्यातील किमान तापमानात 2 ते 3 अंश सेल्सिअस तापमानाची वाढ होण्याची शक्यता आहे. असा इशारा हवामान विभागाने दिला आहे. गेल्या काही दिवसांपासून वायव्य भारतात सरासरी तापमानात घसरण होत आहे. त्यामुळे राजस्थानात (Rajasthan) थंडीच्या लाटेबाबत ऑरेंज अलर्ट तर दिल्लीत (Delhi) येलो अलर्ट जारी केला आहे.

वायव्य भारतातून थंडीला सुरूवात झाली आहे. हिमाचल प्रदेश, उत्तराखंड, जम्मू काश्मीरमध्ये अनेक ठिकाणी सध्या हिमवृष्टी सुरू आहे. तर दिल्ली, पंजाब, राज्यस्थान आणि मध्य प्रदेशात तीव्र थंडीची लाट (Severe cold wave) पसरली आहे. महाराष्ट्रात अनेक ठिकाणी किमान तापमान 2 ते 3 अंशानी घटले आहे. पुढील दोन दिवस राज्यात हीच स्थिती कायम राहणार आहे. अशी शक्यता हवामान विभागाने वर्तवली आहे.