ठाण्यातील भिवंडी परिसरात एका गोदामाला भीषण आग लागली. आग अजूनही सुरूच आहे, घटनास्थळी 6 अग्निशमन दल दाखल झाले आहेत.

पाकिस्तानचे माजी पंतप्रधान इम्रान खान यांना सर्व प्रकरणाध्ये जामीन मंजूर करण्यात आलेला आहे. त्यांना ९ मे पूर्वीच्या कोणत्याही प्रकरणात अटक न करण्याचे आदेश कोर्टाने दिले आहे.

उद्धव ठाकरे हे आज अहमदनगरच्या दौऱ्यावर आहेत. काही वेळापूर्वी ते शिर्डीच्या साई मंदिरात दाखल झाले.

परमबिर सिंह यांच्या लेटरबॉम्बमुळे राज्यात खळबळ उडाली होती. त्यामुळेत तत्कालीन गृहमंत्री अनिल देशमुख यांच्यावर कारवाई झाली होती. आता शिंदे-फडणवीस सरकारने त्यांचं निलंबन मागे घेतलं आहे. 'साम टीव्ही'ने यासंदर्भातील वृत्त दिले आहे.

जनसेवा विकास समितीके अध्यक्ष किशोर आवारे यांच्यावर तळेगाव दाभाडे नगरपरिषद कार्यालयासमोर अज्ञातांकडून शुक्रवारी (ता.१२) पावनेदोनच्या सुमारास प्राणघातक हल्ला झाला आहे.जखमी अवस्थेतील आवारे यांना उपचारार्थ सोमाटणे फाटा येथील खासगी रुग्णालयात दाखल करण्यात आले आहे.

आवारे हे तळेगाव दाभाडे नगरपरिषद कार्यालयात कामानिमित्त आले होते.दरम्यान दबा धरून बसलेल्या अज्ञात शस्त्रधारी इसमांनी त्यांच्यावर प्राणघातक हल्ला हल्ला केला.

मल्टिप्लेक्समध्ये 'द केरळ स्टोरी' सिनेमा पाहण्याची इच्छा असलेल्या प्रेक्षकांना तातडीनं संरक्षण देण्याचे निर्देश संबंधितांना देण्यात यावेत. तसेच हिंसाचार रोखण्यासाठीचं कारण देत ज्या राज्यांनी या सिनेमावर बंदी घालण्याची मागणी केली आहे ती उठवावी, असं जनहित याचिकेत म्हटलं आहे.

२० किंवा २१ तारखेला मंत्रिमंडळाचा विस्तार होणार असल्याची माहिती आमदार बच्चू कडू यांनी दिली आहे. तर या मंत्रीमंडळात त्यांना ही संधी मिळणार असल्याचे त्यांनी सांगितले.

सुप्रिम कोर्टाच्या निकाला नंतर विधानसभा अध्यक्ष काय निर्णय घेणार याकडे संपूर्ण राज्याचे लक्ष लागलेले आहे. असं असलं तरी केवळ 16 आमदारच नव्हे तर विधानसभा अध्यक्षांवरही अपात्रतेची टांगती तलवार लटकत आहे. अशी माहिती ठाकरे गटाचे नेते अनिल परब यांनी दिली.

केंद्रीय माध्यमिक शिक्षण मंडळामार्फत घेतलेल्या बारावीच्या परीक्षेचा निकाल शुक्रवारी सकाळी जाहीर करण्यात आला.

पुणे-मुंबई द्रुतगती मार्गावर वाहतूक कोंडी झालेली आहे. मुंबईकडे येणाऱ्या वाहनांची संख्या अचानकपणे वाढल्यानं वाहनांच्या रांगा.

एकनाथ शिंदे यांची गटनेतेपदाची निवडही कोर्टाने रद्द केली असल्याची माहिती उद्धव ठाकरे गटाचे नेते अनिल परब यांनी सांगितलं आहे.

गुरूवारी सुप्रिम कोर्टाने सत्तसंघर्षाचा निकाल दिला त्यानंतर राज्यात अनेक भिन्न प्रतिक्रिया समोर येत आहेत. अशातच आज उद्धव ठाकरे पत्रकार परिषद घेवून निकालावर सविस्तर बोलणार आहेत.