मुंबई : महाराष्ट्र पोलीस भरतीचं बनावट नोटिफिकेशन सध्या सोशल मीडियात व्हायरल झाल्याचा प्रकार समोर आला आहे. याप्रकरणी मरीन ड्राईव्ह पोलीस ठाण्यात गुन्हा दाखल करण्यात आला आहे. याद्वारे भरतीसाठी इच्छुक असलेल्या उमेदवारांना फसवण्याचा कट रचण्यात आल्याचं बोललं जात आहे. (Maharashtra Police Fake Recruitment Notification Viral FIR registered)

महाराष्ट्राच्या गृह विभागाच्या सचिवांच्या नावे हे बनावट नोटिफिकेशन असल्याचं दिसून आलं आहे. यांनतर गृहविभागानं सचिवांच्या तक्रारीनंतर मरीन ड्राईव्ह पोलिसांत तक्रार दाखल करुन चौकशी सुरु केली आहे. भदंवि कलम ४१९, ४२०, ४६५, ५११ या विविध कलमांतर्गत या प्रकरणी एका अज्ञात व्यक्तीविरोधात गु्न्हा दाखल करण्यात आला आहे.