मुंबई : महाराष्ट्र पोलिस मुख्यालयात पुन्हा एकदा धमकीचा (Maharashtra Police Received Threat Call) फोन आला आहे. एका अज्ञात व्यक्तीने ठाण्यातील 'जायका हाॅटेल'मध्ये बाॅम्ब स्फोट (Bomb Blast Threat Call) होणार असल्याची माहिती दिली. त्यामुळे पोलिसांत खळबळ माजली असून हॉटेलची सुरक्षा वाढविण्यात आली आहे.

आज सकाळी महाराष्ट्र पोलिस नियंत्रण कक्षाला अज्ञात व्यक्तीने फोन करून ठाण्यातील 'जायका हाॅटेल'मध्ये बाॅम्ब स्फोट होणार असल्याची माहिती दिली. तसेच ठाण्यासह कुर्ला चोर बाजार येथेही स्फोट घडवून आणणार असल्याचे या व्यक्तीने म्हटले आहे. त्यानंतर दहशतवाद विरोधी पथकाला अलर्ट केले असून इतर महत्वाच्या तपास यंत्रणांना माहिती देण्यात आली आहे. या धमकीच्या फोननंतर पोलिसांनी ठाण्यातील जायका हाॅटेलची सुरक्षा वाढवण्याच्या सूचना दिल्या आहेत. तसेच पोलिसांनी याची गंभीर दखल घेतली असून फोन करणाऱ्या व्यक्तीचीही ओळख पटवण्याचं काम पोलिस करत आहेत.