पुढील वर्षी महाराष्ट्रात विधानसभा निवडणुका होणार आहेत. त्याआधी राजकीय पक्षांनी कंबर कसली आहे. दरम्यान, राजकीय वर्तुळात जागा वाटपावरुन नवा वाद निर्माण होण्याची शक्यता वर्तवण्यात येत आहे. भाजप आणि शिंदे गटात अंतर्गत वाद पेटला असल्याचे पाहायला मिळत आहे. (maharashtra politics BJP Shinde shiv sena)

चंद्रशेखर बावनकुळे कार्यकर्त्यांना संबोधित करताना आगामी २०२४ च्या विधानसभा निवडणुकीत भाजप २४० विधानसभा जागा लढवण्याच्या तयारीत असल्याचे म्हटले होते. तसेच मुख्यमंत्री एकनाथ शिंदे यांच्यासोबत केवळ ५० आमदार आहेत. त्यांना यापेक्षा जास्त जागांची गरज नाही, असे बावनकुळे म्हणाले होते.

त्यांच्या या वक्तव्यावरुन भाजप शिंदे युतीत फुट पडण्याची शक्यता वर्तवण्यात येत आहे. अशातच, शिवसेनेचे आमदार संजय गायकवाड यांनी शिवसेना किती जागांवर लढणार याचा आकडाच सांगितला आहे.

टी व्ही ९ ने दिलेल्या वृत्तानुसार, कोण नेता काय घोषणा करत असेल याला काही अर्थ नाही. पंतप्रधान नरेंद्र मोदी, उपमुख्यमंत्री देवेंद्र फडणवीस आणि केंद्रीय गृहमंत्री अमित शाह यांच्या सोबत झालेला युतीचा हा विषय आहे. आम्ही 130 ते 140 जागा लढवणार आहोत. असा आकडा सांगत गायकवाड यांनी बावनकुळेंच्या वक्तव्याला धुडकावून लावले.