यंदा राज्यातील जवळपास सर्वच भागांत समाधानकारक पाऊस झाल्या असून, गेल्या काही दिवसांपासून पावसाने विश्रांती घेतली होती. आशात राज्यातील अनेक ठिकाणी काल पुन्हा एकदा पावसाने हजेरी लावत पुनरागमन केले.

यानंतर आजही राज्यातील दक्षिण कोकण, मध्य महाराष्ट्र, मराठवाडा आणि विदर्भात विजांसह पावसाची शक्यता वर्तवण्यात आली आहे. यासह हवामान विभागाने इशारा (येलो अलर्ट) हवामान दिला आहे.

दरम्यान गेले काही दिवस पाऊस नसल्याने राज्यात सर्वत्र उन आणि उकाड्याने लोक हैरान झाले होते. पण कालच्या पावसामुळे काहीसा दिलासा मिळाला आहे.

भारतीय हवामानशास्त्र विभागाने (IMD) जाहीर केले आहे की बंगालच्या उपसागराच्या वायव्य भागात, विशेषत: बांगलादेशालगतच्या भागात कमी दाबाची पट्टा कायम आहे. या हवामानाच्या घटनेमुळे वातावरणीय स्थितीत लक्षणीय बदल होत आहेत, ज्यामध्ये पृष्ठभागावरील परिभ्रमणाचा विस्तार आणि कोकणापासून दक्षिण-पूर्व अरबी समुद्रापर्यंत पसरलेल्या कुंडाची निर्मिती यांचा समावेश आहे, ज्याचा परिणाम दक्षिण आणि उत्तर कर्नाटकच्या शेजारील भागांवर झाला आहे.

पुण्यात मुसळधार

दरम्यान गेले काही दिवस पावसाने दडी मारल्यामुले पुणेकर उन आणि उकाडा आशा दोन्ही समस्यांशी झुंजत होते. मात्र, काल सायंकाळी सुमारे दोन तास झालेल्या दमदार पावसामुळे पुणेकरांना उकाड्यापासून दिलासा मिळाला आहे. दरम्यान शेजारच्या पिंपरी-चिंचवडमध्येही या काळावधीत विजांच्या कडकडाटास पाऊस पडला आहे.

या जिल्ह्यांना यलो अलर्ट

पुणे, सातारा, सोलापूर, सांगली, कोल्हापूर, रत्नागिरी, सिंधुदुर्ग, नाशिक, अहमदनगर, छत्रपती संभाजीनगर, जालना, बीड, परभणी, हिंगोली, बुलढाणा, अकोला, अमरावती, वाशीम, यवतमाळ, वर्धा, नागपूर, भंडारा, गोंदिया, चंद्रपूर आणि गडचिरोली.