मुंबई- महाराष्ट्रातील कोरोनाबाधित रुग्णांच्या संख्येत चढ-उतार पाहायला मिळत आहे. गेल्या 24 तासांत राज्यात 28,699 नवे कोरोनाबाधित आढळून आले आहेत, तर 13,165 लोकांनी कोरोनावर मात केली आहे. 132 लोकांचा बळी गेला आहे. सोमवारी राज्यात 25 हजारांच्या जवळपास रुग्ण आढळले होते, तर रविवारी हा आकडा 30 हजारांच्या पुढे गेला होता. त्यामुळे रुग्णसंख्या कमी-जास्त होताना दिसतेय. राज्यात आतापर्यंत 25,33,026 लोकांना कोरोनाची लागण झाली आहे, तर  22,47,495  लोकांनी कोरोनावर यशस्वीरीत्या मात केली आहे. राज्यात आतापर्यंत 53,589 लोकांचा कोरोनाने बळी घेतलाय. सध्या राज्यात 2,30,641 कोरोनाचे सक्रिय रुग्ण आहेत.  आरोग्य विभागाने यासंदर्भातील माहिती दिली आहे. 

२४ तासांत मिळाला दिलासा - 

केंद्रीय आरोग्य मंत्रालयानं मंगळवारी सकाळी जारी केलेल्या नव्या आकडेवारीनं थोडाफार दिलासा दिला आहे. मागील २४ तासांत देशात ४० हजार ७१५ नवीन कोरोनाबाधित रुग्णांची वाढ झाली आहे. या वाढीमुळे देशातील एकूण रुग्णांची संख्या1,16,86,796 झाली आहे. मागील २४ तासांत १९९ रुग्णांच्या मृत्यूसह देशातील एकूण मृत्यूची संख्या एक लाक ६० हजार १६६ इतकी झाली आहे.  

भारतामध्ये कोरोना महामारीची प्रादुर्भाव दिवसागणिक वाढत चालला आहे. दरदविशी कोरोना रुग्णांच्या संख्या नवा विक्रम प्रस्थापीत करत आहे. आरोग्य मंत्रायलानं मंगळवारी जाहीर केलेल्या ताज्या आकडेवारीनं थोडाफार दिलासा दिला. मात्र, सहा राज्यातील कोरोना रुग्णांची होणारी वाढ देशाची चिंता वाढवणारी आहे. महाराष्ट्र, गुजरात, मध्यप्रदेश, पंजाब आणि तामिळनाडू यासारख्या राज्यात कोरोना रुग्णांची संख्या झपाट्यानं वाढत आहे. महाराष्ट्र आणि गुजरातसह सहा राज्यातील कोरोना रुग्णांची संख्या देशातील एकूण नव्या रुग्णांपैकी ८४ टक्के इतकी आहे.  या वाढत्या कोरोना रुग्णसंख्येमुळे लोकांच्या चिंतेत भर पडत आहे.