मुंबई : ‘‘महाराष्ट्र राज्य सहकारी बॅंकेच्या संचालक मंडळाची निवडणूक घ्यायची राज्य सरकारची तयारी आहे मात्र या निवडणुकीबाबत उच्च न्यायालयाच्या नागपूर खंडपीठात याचिका आहे. या याचिकेसोबत अन्य १२ याचिकांची एकत्रित सुनावणी मुंबई उच्च न्यायालयात सुरु आहे. त्यामुळे स्थगिती आणि न्यायप्रविष्ट बाब असल्याने बॅंकेच्या संचालक मंडळ निवडणुकीची प्रक्रिया घेता येत नाही,’’ असे स्पष्टीकरण उपमुख्यमंत्री अजित पवार यांनी आज विधानसभेत दिले.

या बॅंकेवरील प्रशासक विद्याधर अनास्कर यांचे काम पारदर्शी असून त्यांनी बॅंक नफ्यात आणल्याने प्रशासक बदलण्याची आवश्यकता नसल्याचे ते म्हणाले. आमदार आबिटकर यांनी प्रशासक बदलण्याची मागणी या लक्षवेधीवर अजित पवार म्हणाले, की मागील सरकारच्या काळात देखील विद्याधर अनास्कर हेच या बॅंकेवर प्रशासक होते, त्यांना बदलण्याची आवश्यकता मुख्यमंत्र्यांनाही वाटली नाही