मुंबई : राज्यातील कोरोना संसर्ग दिवसेंदिवस कमी होत असून आज देखील रुग्णसंख्या आटोक्यात आल्याचे दिसले. आज 751 बाधित रुग्ण सापडले. तर आज बरे होणाऱ्या रुग्णांची संख्या अधिक असून 1555 बरे झाले. कोरोनातून बरे होणाऱ्या रुग्णांची संख्या 64,60,663 इतकी आहे. राज्यातील रुग्ण बरे होण्याचे प्रमाण वाढून 97.62 % एवढे झाले आहे.

   आज 15 रुग्णांच्या मृत्यूंची नोंद झाली. मृतांचा एकूण आकडा 1,40,403 इतका झाला आहे. राज्यातील मृत्यूदर 2.12 टक्क्यांवर पोहोचला आहे. सक्रिय रुग्णांची संख्या ही कमी होऊन 13,649 इतकी आहे.आज 751 रुग्णांसह  करोना बाधित रुग्णांची एकूण संख्या 66,18,347 झाली आहे.          

  औरंगाबाद,नागपूर मंडळात एकाही मृत्यूची नोंद झाली नाही. तर ठाणे 8,नाशिक 2,पुणे 2, कोल्हापूर 1,अकोला 1,लातूर 1 मृत्यू नोंदवले गेले. सध्या राज्यात 1,38,179 व्यक्ती होमक्वारंटाईनमध्ये आहेत तर 865 व्यक्ती संस्थात्मक क्वारंटाईनमध्ये आहेत