पुणे - राज्यात पश्चिम महाराष्ट्र, कोकण आणि नाशिक विभागात धरणे भरली. परंतु, मराठवाडा आणि विदर्भातील बहुतांश धरणांमध्ये पाणीसाठा अत्यल्प आहे. राज्यात सध्या सर्व धरणांमध्ये आजअखेर एकूण ५१.३६ टक्के पाणीसाठा आहे. गतवर्षी याच तारखेस हा साठा ५१.४१ टक्के होता.
राज्यात मराठवाड्यासह विदर्भात अद्याप पुरेसा पाऊस झालेला नाही. त्यामुळे मराठवाडा, विदर्भातील धरणांमध्ये पाणीसाठा अत्यल्प असून, त्या भागात पिण्याच्या पाण्याचा प्रश्न दूर होण्यासाठी मोठ्या पावसाची गरज आहे.
राज्यातील अमरावती, औरंगाबाद, कोकण, नागपूर, नाशिक आणि नागपूर या विभागात एकूण १४१ मोठे प्रकल्प आहेत. तर, २५८ मध्यम आणि दोन हजार ८६८ लघू पाटबंधारे प्रकल्प आहेत. या सर्व धरणांची एकूण प्रकल्पीय उपयुक्त पाणीसाठा क्षमता ४०८९७.९५ दशलक्ष घनमीटर म्हणजेच एक हजार ४४४ अब्ज घनफूट (टीएमसी) आहे. त्यापैकी सध्या २१ हजार दशलक्ष घनमीटर म्हणजेच ७४१.९० टीएमसी एवढा पाणीसाठा उपलब्ध आहे. ३१ जुलै रोजी एकूण उपयुक्त पाणीसाठा ५२६ टीएमसी होता.
आठवडाभरात २१५ टीएमसीची वाढ
राज्यात कोकण, नाशिक आणि पुणे विभागात पावसाने दमदार हजेरी लावली आहे. त्यामुळे गेल्या सात दिवसांत राज्यातील धरणांमधील पाणीसाठ्यात २१५ अब्ज घनफुटांनी (टीएमसी) वाढ झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.