मुंबई : महाराष्ट्रातील सरकारी कर्मचाऱ्यांसाठी अत्यंत महत्त्त्वाची बातमी. शासकीय कर्मचाऱ्यांना ड्रेसकोड लागू करण्यात आला आहे. राज्य सरकारने ड्रेसकोडचे निर्देश जाहीर केले आहेत. यामध्ये गडद आणि चित्रविचित्र कपडे घालण्यास बंदी घालण्यात आली आहे. सोबतच नक्षीकाम असलेले कपडे, जीन्स  आणि टीशर्ट घालून सरकारी ऑफिसमध्ये येण्यास आता बंदी घालण्यात आली आहे.

काय आहेत नवीन नियम, जाणून घेऊयात : 

पुरुषांसाठीचे नियम : 

• शासकीय सेवेतील कर्मचाऱ्यांनी कामावर शर्ट, पॅन्ट आणि ट्राउझर परिधान करावी 
• पुरुषांनी गडद रंगाचे, चित्रविचीत्र नक्षीकाम किंवा चित्र असलेले कपडे परिधान करू नये

महत्त्वाची बातमी : मुंबईत रात्रीचा कर्फ्यु लागणार ? लाईफलाईन लोकल ट्रेनही सुरु करण्याचा विचार न्यू ईयर नंतरच !

महिलांसाठीचे  नियम : 

• महिलांनी साडी, चुडीदार, सलवार, पॅन्ट किंवा ट्राउझर परिधान करावं, आवश्यकता असल्यास दुपट्टा वापरावा  
• महिला अधिकारी आणि कर्मचाऱ्यांनी कार्यालयामध्ये शक्यतो चपला, सॅंडल, बूट (शूज) सॅंडल याचा वापर करावा. कार्यालयामध्ये स्लिपर्सचा वापर करू नये. 

दरम्यान सदर सूचना या सर्व राज्यातील शासकीय कर्मचारी, अधिकारी तसेच कंत्राटी तत्त्वावर कार्यालयात नियुक्त केले जाणारे कर्मचारी तसेच सल्लागार म्हणून शासकीय कामासाठी येणाऱ्या व्यक्ती यांनाही लागू होणार आहे.  

मुंबई, नवी मुंबई, ठाणे , कल्याण डोंबिवली, मीरा भाईंदर, वसई विरारच्या बातम्या वाचण्यासाठी इथे क्लिक करा  ।  Marathi News From Mumbai

सर्व शासकीय अधिकारी आणि कर्मचाऱ्यांकडून चाांगल्या प्रतीच्या वर्तणुकीची तसेच व्यक्तिमत्वाची सर्वसामान्य नागरिक अपेक्षा करतात. अशात कर्मचारी आणि अधिकाऱ्यांची वेशभूषा अशोभनीय किंवा गबाळी असल्यास त्याचा परिणाम एकंदर कामकाजावर देखील होतो. म्हणूनच अधिकारी आणि कर्मचाऱ्यांचा दैनंदिन पेहराव कसा असावा याबाबत सरकारकडून आता मार्गदर्शक सूचना जारी करण्यात आल्या आहेत.  

maharashtra state government issued GR regarding dress code while working in mantralaya and government offices