महाराष्ट्र राज्य परिवहनच्या 918 कर्मचाऱ्यांना निलंबित करण्यात आलं आहे. दिवाळीच्या आधीपासून एसटी कर्मचाऱ्यांनी राज्यभरात संप पुकारला आहे. ऐन दिवाळीत आंदोलन तीव्र करण्यात आल्याने सर्वसामान्यांना गैरसोयीचा सामना करावा लागतोय. परिवहन मंत्री अनिल परब यांनी एसटी कर्मचाऱ्यांना आवाहन केल्यानंतरही हा संप सुरू ठेवण्यात आल्याने सरकारने 918 कर्मचाऱ्यांना बडतर्फ केलंय.

एसटी कर्मचाऱ्यांच्या संपाचा आज ​​13 वा दिवस आहे. कालही काही कर्मचाऱ्यांवर निलंबनाची कारवाई झाली होती. त्यानंतर आजही महामंडळाने मोठा निर्णय घेतला आहे. राज्यातील 250 बस आगार बंद असल्याने नागरिकांची गैरसोय होत आहे. ही गैरसोय टाळण्यासाठी राज्य सरकारने खासगी बसेसला फलाटांवर प्रवासी भरण्याची परवानगी दिली आहे.

एमएसआरटीसीचे राज्य सरकारमध्ये विलीनीकरण करण्याची मागणी आंदोलकांनी केली आहे. त्यासाठी संपूर्ण राज्यभरात संप पुकारण्यात आल्याने ऐन दिवाळीच्या वेळी एसटी आगारात उभ्या आहेत.