विधानसभा 2019 : मुंबई - राज्यातील विधानसभा निवडणुकीचा प्रचार उद्या (ता. १९) संपत असून, २१ ऑक्टोबर रोजी होणाऱ्या मतदानासाठी निवडणूक आयोग सज्ज झाला आहे. यंदा निवडणूक प्रचारात देशपातळीपासून राज्यस्तरावरील सर्व नेत्यांनी सहभाग घेतला होता.
राष्ट्रवादी काँग्रेसचे अध्यक्ष शरद पवार निवडणुका जाहीर होण्याच्या आधीपासूनच राज्यभरात सभा घेत आहेत. काँग्रेसच्या प्रचारासाठी राहुल गांधी, राज्याचे प्रभारी मल्लिकार्जुन खर्गे, मध्य प्रदेशातील नेते जोतिरादित्य शिंदे, केंद्रीय नेते आनंद शर्मा यांच्यासह अनेक नेत्यांनी उपस्थिती लावली.
भाजपकडून पंतप्रधान नरेंद्र मोदी, पक्षाचे अध्यक्ष अमित शहा, केंद्रीय संरक्षणमंत्री राजनाथसिंह, केंद्रीय मंत्री नितीन गडकरी, पीयूष गोयल, उत्तर प्रदेशचे मुख्यमंत्री योगी आदित्यनाथ यांच्यासह मुख्यमंत्री देवेंद्र फडणवीस, प्रदेशाध्यक्ष चंद्रकांत पाटील, राज्य मंत्रिमंडळातील सर्वच मंत्री आणि अन्य राज्यांतील भाजप नेत्यांनी राज्य पिंजून काढले. शिवसेना पक्षप्रमुख उद्धव ठाकरे, युवा सेनाप्रमुख आदित्य ठाकरे, मनसेचे अध्यक्ष राज ठाकरे, वंचित बहुजन आघाडीचे नेते ॲड. प्रकाश आंबेडकर, ‘एमआयएम’चे अध्यक्ष असदुद्दीन ओवेसी, ‘रिपाइं’चे रामदास आठवले आदी नेत्यांनी राज्यभरात प्रचारसभा घेतल्या.
निवडणूक आघाडीवर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.