खारघर येथे महाराष्ट्र भूषण पुरस्कार प्रदान सोहळ्या दरम्यान उपस्थित १३ नागरिकांच्या उष्माघाताने मृत्यू झाल्याचा धक्कादायक प्रकार समोर आला आहे. या घटनेत अनेक जण जखमी असून त्यांच्यावर उपचार सुरू आहेत. या घटनेमुळे सध्या राज्यात राजकीय वातावरण तापलं आहेत. यासोबतच राज्यातील अनेक जिल्ह्यातील तापमानाचा पारा वाढल्याने चिंता देखील वाढली आहे.

साधारणतः मे महिन्याच्या मध्यामध्ये वाढणारा उन्हाचा चटका यंदा एप्रिलमध्येच जाणू लागल्याचे पाहायला मिळत आहे. एप्रिल महिन्यात वातावरणातील आर्द्रता वाढल्याने बहुतांश शहरांतील तापमानाने चाळीशीचा टप्पा ओलांडला आहे. साम टीव्हीने याबद्दलचे वृत्त दिले आहे.

सर्वाधिक तापमान 'येथे'

हवामान खात्याने जारी केलेल्या आकडेवारीनुसार, उत्तर महाराष्ट्रातील भुसावळमध्ये ४३.३ अंश सेल्सिअस तापमान होते. ४३.२ अंश सेल्सिअस तापमानासह चंद्रपूर हे राज्यातील दुसरे सर्वात उष्ण शहर ठरले. यासोबतच मराठवाडा, विदर्भ आणि उत्तर महाराष्ट्रातील बहुतांश शहरांतील तापमानाने चाळीशी ओलांडली आहे.

हेही वाचा - What Is Moksha: ‘अण्णा तुमच्या गुरूला मिळाला का मोक्ष?’

राज्यात कुठे किती तापमान?

जळगाव - ४१ अंश

नंदुरबार - ४१ अंश

मालेगाव - ४०.९ अंश

नाशिक - ३७ अंश

शिर्डी - ३७ अंश

संभाजीनगर : ४० अंश

जालना : ३९ अंश

उस्मानाबाद : ३६अंश

परभणी :३९.६ अंश

नांदेड : ३९.०५ अंश

हिंगोली :३५ अंश