Malegaon Bomb Blast Case: 

विशेष एएनआय न्यायालयाने पुन्हा एकदा भाजप खासदार प्रज्ञा सिंह ठाकूर यांना फटकारले आहे. वारंवार कोर्टाने बजावून देखील प्रज्ञा सिंह ठाकूर न्यायालयात हजर राहत नाहीत. याप्रकरणी न्यायालयाने जामीनपात्र वॉरंट देखील जारी केले होते. विशेष न्यायालयाने जारी केलेले जामीन वॉरंट रद्द केले होते. प्रज्ञा सिंह ठाकूर हे सप्टेंबर 2008 च्या मालेगाव बॉम्बस्फोट प्रकरणातील आरोपी आहेत.

विशेष एएनआय न्यायालयाने मुंबई एएनआय टीमला भोपाळ येथील एएनआय टीमसोबत संपर्क करुन प्रज्ञा सिंह ठाकूर यांच्या प्रकृतीची पडताळणी करण्याचे निर्देश दिले आहे. वैद्यकीय अहवालाचे आधारे न्यायालयाने आज त्यांना सूट दिली. (Malegaon Bomb Blast Case)

मात्र वारंवार आरोग्याचे कारण दिल्यामुळे एएनआय टीम थेट प्रज्ञा सिंह ठाकूर यांच्या घरी जाणार आहे. CrPC 313 अंतर्गत जबाब नोंदवण्यात त्याची अनुपस्थिती न्यायालयीन कामकाजात अडथळा आणत आहे आणि खटल्याला विलंब करत असल्याचे न्यायालयाने म्हटले आहे.

एनआयए कोर्ट सध्या फौजदारी प्रक्रिया संहिता (सीआरपीसी) अंतर्गत आरोपींचे जबाब नोंदवत आहे.

29 सप्टेंबर 2008 रोजी महाराष्ट्रातील मुंबईपासून सुमारे 200 किमी अंतरावर असलेल्या मालेगाव येथील मशिदीजवळ मोटारसायकलवर बसवलेल्या स्फोटक यंत्राच्या स्फोटात सहा जण ठार आणि 100 हून अधिक जखमी झाले होते. सुरुवातीला महाराष्ट्र दहशतवाद विरोधी पथकाने या प्रकरणाचा तपास केला होता. 2011 मध्ये हे प्रकरण एनआयएकडे सोपवण्यात आले होते.