मुंबईः बीडमध्ये मनोज जरांगेंच्या शांतता रॅलीला परवानगी देण्यात आलेली असून काही लोक विनाकारण अफवा पसरवीत आहेत, अशी माहिती बीडचे पालकमंत्री धनंजय मुंडे यांनी दिली होती. त्यावर मनोज जरांगे पाटील यांनी उत्तर दिलं आहे. लातूर येथे आयोजित पत्रकार परिषदेमध्ये ते बोलत होते.
मनोज जरांगे पाटील म्हणाले की, मराठा आरक्षणाबद्दल ओबीसी नेते कधीही सकारात्मक होणार नाहीत,ओबीसी नेते विरोधात आहेत, त्यात दुमत नाही. आमची मागणी ओबीसी आरक्षणाची आहे, १३ तारखेपर्यंत सरकार सगेसोयऱ्याची अंमलबजावणी करेल, अशी आम्हाला अपेक्षा आहे.
धनंजय मुंडेंवर बोलताना मनोज जरांगे म्हणाले की, धनंजय मुंडे यांनी स्टेटमेंट केलं आहे, बीडच्या रॅलीला परवानगी नाकारली नाही.. त्यांचं कौतुकच पण मराठ्यांच्या गोरगरीबांना बीडमध्ये त्रास देऊ नका.. असेच काम करा. मराठ्यांचे कार्यक्रम उधळून लावू नका, मराठ्यांच्या लोकांना मारू नका, आमच्या लोकांना शिवीगाळ करू नका, असं जरांगे म्हणाले.
धनंजय मुंडेंना उद्देशून बोलताना जरांगे पुढे म्हणाले की, तुम्ही मराठ्यांवर अन्याय केला तर मराठे कसे तुम्हाला सोडतील, तुम्ही मराठ्यांना त्रास दिला तर मी मराठ्यांच्या बाजूने उभा राहीन.. तुम्ही जातीयवाद मोडून टाकण्यासाठी उभे राहा, मराठे तुम्हाला कधीही उचलून धरतील, मराठ्यांच्या बाजूने उभे राहा आणि तुम्ही वाईट वागाल तर मराठे तुम्हला सत्तेपासून दूर करतील.
दरम्यान, मराठवाड्यामध्ये मनोज जरांगे पाटील यांची शांतता रॅली सुरु आहे. बीडमध्ये त्यांच्या रॅलीला परवानगी मिळाली नाही,अशा अफवा उठल्या होत्या. मात्र पालकमंत्री धनंजय मुंडे यांनी याबाबत माहिती देत रॅली होईल आणि त्यासाठी परवानगी मिळाली असल्याचं म्हटलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.