Maharashtra Politics : राष्ट्रवादी काँग्रेसमध्ये फूट पडल्यानंतर आजपासून विधीमंडळाचे पावसाळी अधिवेशन सुरू झाले आहे. त्यामुळे आज विरोधक सुरवातीलाच विरोधकांनी सत्ताधाऱ्यांना शेतकऱ्यांच्या प्रश्नावर आक्रमक होत धारेवर धरलं आहे. पुरेसा पाऊस न झाल्याने अडचणीत आलेला शेतकरी प्रश्नांवर विरोधकांनी सरकारची कोंडी करण्याचा प्रयत्न केला आहे.

तर विधिमंडळ अधिवेशन कामकाजाच्या पहिल्याच दिवशी विरोधकांनी शेतकऱ्यांचा मुद्दा उपस्थित करत सभात्याग केला आहे. काँग्रेस नेते बाळासाहेब थोरात यांनी राज्यात पावसाची गंभीर स्थिती आणि दुबार पेरणीचं संकट या शेतकऱ्यांच्या प्रश्नावर तातडीने चर्चा घेण्याची मागणी केली. यानंतर थोड्याच वेळात विरोधकांकडून सभात्याग करण्यात आला.

दरम्यान राष्ट्रवादी काँग्रेस मधल्या फुटीनंतर कोणत्या गटाकडे किती आमदार हे समोर आलेलं नव्हतं मात्र हे आज स्पष्ट होईल अशा चर्चा सुरू होत्या मात्र राष्ट्रवादीच्या अनेक आमदारांनी अधिवेशनाच्या पहिल्या दिवशी सभागृहातील कामकाजाकडे पाठ फिरवल्याचे दिसुन येत आहे. कोणत्या गटात कोण आहे, हे दिसण्यापेक्षा आमदारांनी विधानसभा कामकाजात भाग घेणे टाळल्याच्या चर्चा सुरू आहेत.

अजित पवार गटाने आपल्यासोबत 40 पेक्षा जास्त आमदारांचा पाठिंबा असल्याचा दावा केला होता. तर जयंत पाटील यांनी आमच्याकडे 19 आमदार असल्याचे म्हटंले होते. 9 मंत्री वगळता इतर आमदारांची विरोधी पक्षात बसण्याची व्यवस्था करावी असं पत्र जितेंद्र आव्हाड यांनी दिलं आहे. त्यामुळे कोणाच्या गटात किती आमदार हे आज स्पष्ट होईल अशी चर्चा राजकीय वर्तुळात सुरू होती. मात्र आमदारांनी अधिवेशनाच्या पहिल्या दिवशी सभागृहातील कामकाजाकडे पाठ फिरवल्याचे दिसुन येत आहे.

राष्ट्रवादी एकूण आमदार ५३ आहेत. नवाब मलिक तुरुंगात आहेत त्यामुळे ५२ आमदार आहेत, त्यापैकी अजित पवार गटाचे १५ उपस्थित होते. शरद पवार गटाचे ९ आमदार उपस्थित होते. तर एकूण २४ आमदार अनुपस्थित होते.

शरद पवार समर्थक आमदार उपस्थित

जयंत पाटील

अनिल देशमुख

बाळासाहेब पाटील

सुनील भूसारा

राजेश टोपे

प्राजक्त तनपुरे

सुमन पाटील

रोहीत पवार

मानसिंग नाईक

शरद पवार यांना समर्थन देणारे हे आमदार विरोधी बाकावर बसले होते.

तर अजित पवार गटातील हे आमदार उपस्थित होते

अजित पवार

धनंजय मुंडे

दिलीप वळसे पाटील

हसन मुश्रीफ

छगन भुजबळ

धर्मराव अत्राम

अनिल भाईदास पाटील

संजय बनसोडे

अदिती तटकरे

बबन शिंदे

इंद्रनील नाईक

प्रकाश सोळंके

किरण लहमाटे

सुनील शेळके

सरोज अहिरे