जालना : मराठा आरक्षणाच्या मागणीसाठी मनोज जरांगे हे अन्नपाण्याशिवाय उपोषणावर ठाम आहेत. पण त्यांची प्रकृती खालावत चालल्यानं आता समाजानं त्यांच्यासाठी काळजी व्यक्त करत आहे. आम्हाला तुमची गरज आहे त्यामुळं तुम्हाला पाणी प्यावेच लागेल, अशी भूमिका घेतली. समाजाच्या या विनंतीनं भावूक होत अखेर जरांगेंनी चार घोट पाणी पिण्याचं मान्य केलं आहे. (Maratha Reservation Maratha community emotional apeal to Manoj Jarange for taking water)

'पाणी प्या, पाणी प्या'

मनोज जरांगे जालना जिल्ह्यातील आंतरवाली सराटी इथं उपोषणाला बसले आहेत. त्यांची प्रकृती खालावत चालली असल्यानं मोठ्या प्रमाणावर त्यांचे समर्थक आंदोलनस्थळी दाखल होत आहेत. यावेळी मोठ्या जनसमुदायानं जरांगे यांच्यासमोर हात जोडून सामुहिकरित्या त्यांना 'पाणी प्या, पाणी प्या' अशा शब्दांत आर्त विनंती केली. आम्हाला तुमची गरज आहे त्यामुळं तुम्हाला पाणी प्यावेच लागेल, अशी भूमिका यावेळी त्यांनी घेतली. (Latest Marathi News)

चार-पाच घोट पाणी घेणार

सामाजाचं हे प्रेम पाहून यावेळी मनोज जरांगे काही क्षण भावूक झाले तसेच त्यांनी पाणी पिण्याचं मान्य केलं. तुमच्यासाठी चार-पाच घोट पाणी घेतो, असं त्यांनी मान्य केलं. त्यानंतर उपस्थितांनी जोरात जल्लोष केला. यावेळी जरांगे यांचे डोळे काहीकाळ पाणावलेले दिसून आले. (Marathi Tajya Batmya)