Maratha Reservation: मराठा समाजाच्या आरक्षणाच्या मागणीला पाठिंबा देत महाराष्ट्रातील अनेक आमदार खासदारांनी राजीनामा दिला आहे. नाशिक आणि हिंगोली येथील शिवसेनेच्या खासदारांनी राजीनामे दिले आहेत. दोघेही मुख्यमंत्री एकनाथ शिंदे यांचे निकटवर्तीय मानले जातात. तसेच एका आमदाराने देखील राजीनामा दिला आहे.

हिंगोलीचे खासदार हेमंत पाटील यांनी सोमवारी नवी दिल्लीतील लोकसभा सचिवालयात राजीनामा सुपूर्द केला तर नाशिकचे खासदार हेमंत गोडसे यांनी मुख्यमंत्री शिंदे यांच्याकडे राजीनामा पाठवला आहे.

काँग्रेसचे परभणीतील आमदार सुरेश वरपूडकर यांनी देखी आमदारकीचा राजीनामा दिला आहे. मराठा आरक्षणाच्या मुद्द्यावर अनेक राजकीय पक्षांना देखील फटका बसत आहे. मनोज जरांगे यांच्या उपोषणाचा आज सातवा दिवस आहे. यामुळे सरकारसमोर देखील मोठा प्रश्न निर्माण झाला आहे.  (Latest Marathi News)

राजीनामा दिलेले आमदार-खासदार

• सुरेश वरपूडकर - काँग्रेस आमदार

• अतुल बेनके - राष्ट्रवादी काँग्रेस (अजित पवार गट)

• लक्ष्मण पवार - भाजप

• हेमंतल गोडसे, हेमंत पाटील - शिंदे गट खासदार

• रमेश बोरनारे - शिंदे गट आमदार