कोल्हापूर : शासनाने प्राथमिक, माध्यमिक व उच्च माध्यमिक शाळा व तुकड्यांबाबत फेरतपासणी करण्याचा आदेश रद्द करावा आणि या शाळांना अनुदान द्यावे अशी मागणी पुणे शिक्षक मतदार संघाचे नवनिर्वाचित आमदार प्रा.जयंत आसगावकर यांनी शिक्षणमंत्री वर्षा गायकवाड यांच्याकडे एका निवेदनाद्वारे केली आहे. शपथविधी झाल्यानंतर पहिल्या दिवशीच आमदार आसगावकर यांनी आपल्या कामाला सुरुवात केली.
निवेदनात म्हटले आहे की, शासनाने 1 डिसेंबर ला प्राथमिक, माध्यमिक व उच्च माध्यमिक शाळा व तुकड्यांबाबत आदेश काढला आहे. यावर फेरविचार झाला पाहिजे. कारण, विनाअनुदानित प्राथमिक, माध्यमिक, उच्च माध्यमिक शाळा व तुकड्या यांच्या शासनाच्या वेळोवेळी दिलेल्या आदेशानुसार शाळांची तपासणी होऊन अनेक शाळा अनुदानास पात्र झालेल्या आहेत.
मात्र या आदेशामुळे या सर्व शाळा व तुकड्यांची फेर तपासणी करण्याबाबत काढलेला आदेश योग्य वाटत नाही. तरी हा आदेश रद्द करावा व या सर्व शाळांना अनुदान देणेबाबत कार्यवाही व्हावी अशी मागणी आमदार प्रा.जयंत आसगावकर केली. यावेळी, शिक्षणमंत्री वर्षा गायकवाड यांनी याबाबत सकारात्मक विचार करण्याचे आश्वासन दिले. यावेळी गृहराज्यमंत्री सतेज पाटील उपस्थित होते.
संपादन- अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.