मुंबई - माझ्या घरावर झालेला हल्ला हा विरोधी पक्षातील कार्यकर्ते आणि बिगर मराठा समाजातील काही समाजकंटकांनी केला, असा खळबळजनक दावा राष्ट्रवादी काँग्रेसचे (अजित पवार गट) माजलगावचे (जि . बीड) आमदार प्रकाश सोळंके यांनी आज केला. त्याचबरोबर मराठा आरक्षणाच्या मागणीसाठी बीडमध्ये घडलेले हिंसक आंदोलन हे गृह खात्याचे अपयश असल्याचे सांगत त्यांनी उपमुख्यमंत्री देवेंद्र फडणवीस यांच्यावरही निशाणा साधला.
ते म्हणाले, ‘‘माझ्या घरावर झालेला हल्ला पूर्वनियोजित होता. माझे घर जाळणाऱ्यांमध्ये माझ्या राजकीय विरोधकांचे कार्यकर्ते, समाजकंटक होते. मात्र, हे सगळे बिगर मराठा समाजाचे कार्यकर्ते होते. त्या दिवशी माझ्या बंगल्यासमोर जमलेल्या जमावामध्ये मराठा समाजाशिवाय इतर समाजाचीही माणसे होती. त्याचबरोबर अवैध धंदे करणारे, वाळू, गुटखा, हातभट्टी, धान्याचा काळाबाजार करणाऱ्या समाजकंटकांचाही यात समावेश होता,’’ असा खुलासा त्यांनी यावेळी केला.
इतर आंदोलक या दगडफेकीला विरोध करत होते. ज्यांनी माझा जीव वाचवला ते सुद्धा मराठा समाजाचेच कार्यकर्ते होते. त्यामुळे मी पोलिस प्रशासनाला सीसीटीव्हीचे फुटेज दिले आहे. त्यामुळे सरसकट सर्वांना अटक न करता कॅमेऱ्यात दगडफेक करताना दिसणाऱ्यांनाच अटक करण्याची विनंती पोलिसांना केली आहे.
- प्रकाश सोळंके, आमदार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.