मुंबई : महाराष्ट्र नवनिर्माण सेनेचे (MNS) युवा नेते अमित ठाकरे (Amit Thackeray) हे उद्यापासून (ता. 27) तीन दिवसांच्या नाशिक (nashik visit) दौऱ्यावर आहेत. 27,28 आणि 29 ऑगस्ट रोजी ते नाशिक मध्ये तळ ठोकून बसणार आहेत. नाशिक महानगरपालिका (nashik municipal election) निवडणुकीच्या निमित्ताने नाशिक मध्ये पक्षाच्या पुनर्बांधणीची (political work) जबाबदारी मनसे अध्यक्ष राज ठाकरे (Raj Thackeray) यांनी अमित ठाकरे यांच्या खांद्यावर दिली आहे.

अमित ठाकरे यांचा हा तिसरा नाशिक दौरा आहे. नाशिक महानगरपालिकेची निवडणूक येऊ घातली आहे. या निवडणुकीच्या पार्श्वभूमीवर हा दौरा महत्वाचा आहे. अमित ठाकरे या दौऱ्यात मनसेच्या संघटनात्मक बांधणीवर लक्ष देणार आहेत. यानिमित्ताने ते पदाधिकाऱ्यांशी बोलणार देखील आहेत. काही पदाधिकाऱ्यांच्या नव्याने नियुक्त्या होणार असून रिक्त पदे भरली जाणार आहेत. महानगरपालिका निवडणुकांच्या दृष्टीने पक्ष पदाधिकऱ्यांसोबत बैठका घेऊन त्याची रणनीती देखील या बैठकीत ठरवली जाण्याची शक्यता आहे. नाशिक मधील संपूर्ण राजकीय परिस्थितीचा अहवाल ते फाज ठाकरे यांच्याकडे सोपवणार असून राज ठाकरे अंतिम निर्णय घेतील. या दौऱ्यात अमित ठाकरे यांच्या सोबत मनसे नेते बाळा नांदगावकर, नितीन सरदेसाई, अनिल शिदोरे, संदीप देशपांडे असणार आहेत.