मुंबई : मनसे अध्यक्ष राज ठाकरे यांनी भाजप-शिवसेना युतीविरोधात प्रचारसभांचा धडाका सुरु केला असून, मनसे नेते संदीप देशपांडे यांनी भाजपची अवस्था म्हणजे 'साहब मनसे के थप्पड से नाही लेकिन राजसाहब के व्हिडिओसे डर लागता है, असे ट्विट केले आहे.
राज ठाकरे यांनी सोमवारी रात्री सोलापुरात सभा घेत नरेंद्र मोदी आणि अमित शहा यांच्यावर जोरदार टीका केली. तसेच त्यांनी युती सरकारच्या मी लाभार्थी या जाहिरातीतील बेरोजगाराला समोर आणून पोलखोल केली. यावेळी त्यांनी भाजपला मदत करणाऱ्यांना मतदान करू नका, असेही आवाहन केले. राज यांच्या या सभेनंतर आघाडीला याचा फायदा होणार हे नक्की मानले जात आहे.
राज ठाकरे यांनी यापूर्वी मुंबईतील गुढी पाडवा मेळाव्यात व्हिडिओतून मोदींची तेव्हाची आणि आताची भाषणे दाखविली होती. तशाच सभा राज यांच्याकडून महाराष्ट्रभर घेण्यात येत आहेत. भाजपकडून यांच्याकडून राज यांच्या सभांवर टीका होत असताना संदीप देशपांडे यांनी ट्विट करत भाजपला आता राज ठाकरेंकडून दाखविण्यात येत असलेल्या व्हिडिओची भिती वाटत असल्याचे म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.