राज्यात आगामी निवडणुकांच्या पार्श्वभूमीवर सर्वच राजकीय पक्षांनी कंबर कसली आहे. सर्व पक्षांनी जोरदार तयारी सुरू केली आहे. तर या निवडणुकीसाठी महाराष्ट्र नवनिर्माण सेनेकडून देखील मोठी तयारी सुरु केली आहे. यासाठी राज ठाकरे यांनी अमित ठाकरे यांना जबाबदारी दिल्याची माहिती आहे.

दरम्यान अमित ठाकरे यांनी देखील पुणे लोकसभेवर लक्ष केंद्रित केल्याचं दिसून येत आहे. अमित ठाकरे यांचे पुणे दौरे देखील वाढले आहेत. अशातच अमित ठाकरे पुन्हा दोन दिवस पुणे दौऱ्यावर आहे. ७ आणि ८ नोव्हेंबर रोजी अमित ठाकरे पुण्यात आहेत. या दौऱ्यात ते प्रभागनिहाय आढावा घेणार आहे. त्यासाठी आज आणि उद्या मनसेच्या बैठकीचं सत्र आयोजित करण्यात आलं आहे.

मनसेकडून लोकसभा निवडणुकीबरोबर मनपा निवडणुकीची तयारी सुरु केली आहे. त्यासाठीची चाचपणी अमित ठाकरे करणार आहे.

पुणे लोकसभेसाठी मनसेकडून माजी नगरसेवक वसंत मोरे देखील इच्छुक आहेत. त्यांनी राज ठाकरे यांच्याकडे आपण निवडणूक लढवण्यास तयार असल्याचे सांगितले आहे. त्याचबरोबर मनसे कार्यकर्ते वसंत मोरे यांना भावी खासदार म्हणून सातत्याने उल्लेख करतात.

तर पुणे मनसे शहरध्यक्ष साईनाथ बाबर यांनीही लोकसभा निवडणूक लढवण्याची इच्छा जाहीरपणे व्यक्त केली आहे. यामुळे कोणाला संधी मिळणार याकडे सर्वांचं लक्ष आहे.

अमित ठाकरे पुणे दौऱ्यावर

मनसे नेते अमित ठाकरे यांचा पुणे दौऱ्यावर आहेत. अमित ठाकरे आज आणि उद्या पुणे दौऱ्यावर आहेत. अमित ठाकरे आज आणि उद्या पुण्यात प्रभाग निहाय आढावा बैठक घेणार आहेत. अमित ठाकरे महापालिका निवडणुकीसाठी देखील बैठका घेणार आहेत. पुणे लोकसभेची जबाबदारी मनसेकडून अमित ठाकरे यांच्याकडे देण्यात आली आहे. त्याच पार्श्वभूमीवर अमित ठाकरे आज आणि उद्या पक्ष कार्यालयात बैठका घेणार आहेत.