मुंबई : राज्यात दिवसभरात नव्या कोरोना रुग्णांपेक्षा दुपट्टीहून अधिक रुग्ण बरे झाले आहेत. त्यामुळे आजवर ५५,६४,३४८ रुग्णांना दवाखान्यातून घरी पाठवण्यात आलं आहे. त्यामुळे राज्यातील रुग्ण बरे होण्याचं प्रमाण ९५.२५ टक्के झालं आहे. राज्याच्या आरोग्य विभागानं ही माहिती दिली.

आरोग्य विभागाच्या माहितीनुसार, राज्यात आज १०,२१९ कोरोनाबाधित रुग्णांची वाढ झाली तर २२,०८१ रुग्ण बरे झाले आहेत. त्यामुळे आजवर एकूण ५५,६४,३४८ रुग्ण बरे होऊन दवाखान्यातून घरी पाठविण्यात आले आहेत. राज्यात सध्या एकूण १,७४,३२० अॅक्टिव्ह रुग्ण आहेत. त्यामळे रुग्ण बरे होण्याचं प्रमाण आता ९५.२५ टक्के झालं आहे.