मुंबई- समृद्धी महामार्गावर पुन्हा एकदा भीषण अपघात झाला आहे. ट्रॅव्हल्स बसने ट्रकला मागून जोरात धडक दिली. त्यामुळे यात १२ जणांचा मृत्यू झाला आहे. या अपघातामुळे समृद्धी महामार्ग मृत्यूचा सापळा ठरतोय अशी चिंता व्यक्त केली जात आहे. याच पार्श्वभूमीवर खासदार डॉ. अमोल कोल्हे यांनी एक जुना व्हिडिओ शेअर करुन काही निरीक्षणं मांडली आहेत.

व्हिडिओ शेअर करत कोल्हे म्हणाले की, आज पुन्हा एकदा समृद्धी महामार्गावर अपघात होऊन अनेकांना आपला जीव गमवावा लागल्याची बातमी वाचली. सर्व मृत नागरिकांना भावपूर्ण श्रद्धांजली! (mp amol kolhe shear old video of samruddhi mahamarg accident news aurangabad)

जेव्हा आम्ही 'शिवपुत्र संभाजी' महानाट्याचा प्रयोग छत्रपती संभाजीनगर येथे करत होतो, तेव्हा समृद्धी महार्गावरून प्रवास करण्याचा योग आलेला, तेव्हा मी माझा अनुभव सांगणारा एक व्हिडिओ आपल्या 'अमोलतेअनमोल' युट्युब चॅनेलवर पोस्ट केला होता. त्यामध्ये सर्वसामान्य जनतेचा विचार करून काही निरीक्षण मी मांडली होती. तो व्हिडीओ पुन्हा एकदा मुद्दामहून आपल्यासोबत शेअर करतोय, आवर्जून पहा!, असं ते म्हणाले.

दरम्यान, सैलानी येथील दर्गावरून परतणाऱ्या भाविकांच्या वाहनाला समृद्धी महामार्गावर भीषण अपघात झाला. समृद्धी महामार्गाच्या वैजापूर येथील जांबरगाव टोल नाक्याजवळ ही घटना घडली. मध्यरात्री एक ते दीड वाजण्याच्या सुमारास हा अपघात झाल्याचं सांगण्यात येतं. सर्व भाविक नाशिक जिल्ह्यातील असल्याची माहिती देण्यात आली आहे. (Latest Marathi News)