महाराष्ट्र लोकसेवा आयोगाच्या राज्य सेवा मुख्य परीक्षेदरम्यान गैरप्रकार उघडकीस आला आहे. या प्रकरणी एका उमेदवारावर गुन्हा दाखल करण्यात आला आहे.

सचिन नवनाथ बागलाने असं या परीक्षार्थ्याचं नाव आहे. औरंगाबादमध्ये तो राज्यसेवेची मुख्य परीक्षा देत होता. यावेळी त्याने आपल्यासोबत ब्लू टूथ बाळगल्याचं आढळून आलं आहे. या प्रकारानंतर त्याच्यावर फौजदारी गुन्हा दाखल करण्यात आला आहे.

हेही वाचा - जगायचं कसं हे सांगण्यासाठी हवं 'लिव्हिंग विल'

MPSC परीक्षेदरम्यान कोणतीही वस्तू सोबत नेण्यास मनाई असते. कोणत्याही प्रकारचं इलेक्ट्रॉनिक डिव्हाईस, कॅल्यक्युलेटर, पेजर, डिजिटल वॉच अशी कोणतीही वस्तू नेण्यास परवानगी नाही. परीक्षेदरम्यान, आयोगाने घालून दिलेल्या सर्व नियमांचं पालन करणं बंधनकारक आहे. अन्यथा आयोगाकडून कारवाई केली जाते.