पुणे : राज्यसेवेच्या गत वर्षी झालेल्या परीक्षेचे अद्याप न लागलेले निकाल व तसेच आगामी परीक्षांचे वेळापत्रक जाहीर करावे अशी मागणी एका निवेदनाद्वारे महाराष्ट्र प्रदेश युवक काँग्रेसचे प्रवक्ते प्रा. बालाजी गाढे यांनी मुख्यमंत्र्यांकडे केली आहे.

ताज्या बातम्यांसाठी डाऊनलोड करा ई-सकाळचे ऍप 

पुण्याच्या बातम्या वाचण्यासाठी येथे  क्लिक करा

जगभरात थैमान घालत असलेल्या कोरोना अर्थात COVID-19 च्या प्रभावामुळे देशभरात टाळेबंदी लागू केलेली आहे, त्यामुळे सर्वच क्षेत्रे सध्या ठप्प आहेत, पण हळूहळू जनजीवन पूर्वपदावर येत आहे. राज्यभरात प्रशासकीय नोकरीसाठी स्पर्धा परीक्षांची तयारी करणारा मोठा विद्यार्थीवर्ग आहे. यात बहुतकरून ग्रामीण भागातील विद्यर्थ्यांची संख्या लक्षणीय आहे.
----------
पाकिस्तानच्या माजी पंतप्रधानांना कोरोना
----------
दिल्लीत पुन्हा संघर्ष; नायब राज्यपालांचा केजरीवालांना दणका
----------
केंद्र सरकारचा नवा उपक्रम; आता घरोघरी होणार तपासणी
----------
राज्यशासनाने गत वर्षी घेतलेल्या स्पर्धा परीक्षांचे निकाल अद्याप जाहीर करण्यात आलेले नाहीत. विद्यार्थी त्या निकालाची आतुरतेने वाट पाहत आहेत. अनेक अडचणी व बिकट आर्थिक परिस्थितीशी संघर्ष करत हे विद्यार्थी परीक्षांची तयारी करत असतात, त्यामुळे सहाजिकच त्यांना निकालाची उत्सुकता असते. नेमकी हीच बाब ध्यानी घेऊन महाराष्ट्र प्रदेश युवक काँग्रेसचे प्रवक्ते प्राध्यापक बालाजी गाढे पाटील यांनी माननीय मुख्यमंत्री उद्धव ठाकरे साहेब यांना एका निवेदनाद्वारे केली आहे.

तसेच, आगामी राज्यसेवा परीक्षांचे वेळापत्रक लवकरात लवकर जाहीर करावे जेणेकरून विद्यार्थ्यांची गैरसोय होणार नाही, याही मागणीचा उल्लेख त्यांनी सदर निवेदनात केला आहे. थेट मुख्यमंत्र्यांना दिलेल्या या निवेदनाचा राज्यसरकार विचार करेल आणि तात्काळ योग्य ते निर्णय घेतले जातील ही अपेक्षा असल्याचे त्यांनी या निवेदनात म्हटले आहे.