रिलायन्स फाउंडेशन हॉस्पिटलच्या लँड लाईनवर आज सकाळी साडेदहाच्या सुमारास अज्ञात व्यक्तीने फोन करुन अंबानी कुटुंबाला धमकी दिली होती. अँटिलिया प्रकरणानंतर अंबानी कुटुंबाला पुन्हा धमकी देण्यात आली. . पोलिसांनी दिलेल्या माहितीनुसार या फोनवर 3 ते 4 वेळा फोन करून धमक्या देण्यात आल्या होत्या. याप्रकरणी मुंबई पोलिसांच्या डीबी मार्ग पोलीस ठाण्यात तक्रार दाखल करण्यात आला आहे. या प्रकरणातील संशयित आरोपीला पकडण्यात मुंबई पोलिसांनी यश आले असून त्याची ओळख पटली आहे.(mumbai police arrested suspect who threatened mukesh ambani)

अंबानींना कुटूंबाला धमकी देणारा मुंबई पोलिसांच्या ताब्यात असल्याचे पोलिसांनी सांगितले. गिरगावातील एचएन रिलायन्स रुग्णालयामध्ये तीन ते चार वेळा फोन करुन धमकी देण्यात आली होती. तसेच, फोन करणारी व्यक्ती ही मानसिक रुग्ण असल्याची माहिती समोर आली आहे.

तक्रार दाखल होताच पोलिसांनी ताताडीने तपासाला सुरूवात केली. बोरिवलीतील एमएचबी कॉलनीमधून एका व्यक्तीला ताब्यात घेतलं आहे. धमकी देणाऱ्या व्यक्तीनं फोनवर आपलं नाव अफझल असल्याचं सांगितलं होतं.

पोलिसांनी दिलेल्या माहितीनुसार, धमकी देणे, जीवे मारण्याची धमकी देणे, अर्वाच्च भाषा वापरणे याबद्दल गुन्हा दाखल करण्यात आला आहे. समोरील व्यक्ती हा वारंवार एकच बोलत होता, मी अंबानी कुटुंबीयांना मारणार आहे, त्यांना मरावेच लागणार आहे, असं तो फोनवर बोलत होता. पोलिसांनी हे फोन कॉल रेकॉर्ड ऐकले आणि पुढील तपास सुरू केला होता.