मुंबईः मुंबईच्या मानखुर्द भागामध्ये मोठी घटना घडली आहे. एका १८ वर्षीय तरुणाचा मृतदेह बाथरुममध्ये आढळल्याने एकच खळबळ उडाली आहे. पोलिसांकडून मृत तरुणाची ओळख पटविण्याचे प्रयत्न सुरु आहेत.

मुंबईमध्ये गुन्हेगारीच्या घटनांमध्ये वाढ होत असल्याने कायदा आणि सुव्यवस्थेचा प्रश्न निर्माण झाला आहे. त्यातच आज पुन्हा मुंबईतल्या मानखुर्दमध्ये तरुणाचा मृतदेह सापडल्याने भीतीचं वातावरण निर्माण झालेलं आहे.

हेही वाचाः ..तर तुम्हालाही मिळू शकेल इन्कमटॅक्सचा जुना रिफंड

मुंबईतल्या मानखुर्द भागामध्ये असलेल्या एका शाळेमध्ये हा प्रकार घडला आहे. १८ वर्षांच्या तरुणाचा मृतदेह वॉशरुममध्ये आढळून आल्याची माहिती पोलिसांना माहिती देण्यात आली. पोलिसांनी हा मृतदेह ताब्यात घेतला असून मृत तरुणाची ओळख पटविण्याचे प्रयत्न सुरु आहेत.

या प्रकरणामध्ये मुंबई पोलिसांनी गुन्हा दाखल केला असून पुढील तपास पोलिस करीत आहेत. १८ वर्षीय तरुणाचा मृत्यू नेमका कसा झाला, याबाबत कसून चौकशी सुरु आहे. मानखुर्द भागामध्ये या घटनेने दहशतीचं वातावरण पसरलं आहे.