राज्यात मागच्या दोन दिवसांपासून वातावरणात मोठे बदल पाहायला मिळाले आहेत. मुंबई (Mumbai), पुण्यासह अनेक ठिकाणी झालेल्या पावसाच्या सरींसोबतच सगळीकडे धुक्याची चादर पसरलेली दिसून आली आहे. धुक्याचं (Fog) प्रमाण जास्त असल्याने परिणामी दृष्यमानता कमी झाली होती. याचा थेट परिणाम हवाई वाहतूकीवर झाला असून, पुणे विमान तळावरील उड्डाणांवर याचा मोठा परिणाम दिसून आला आहे.

पुण्यात (Pune) दाट धुकं पसरल्याने सर्व उड्डाणं उशीरा करण्यात येणार आहे. पुणे विमान तळाने दिलेल्या माहितीनुसार धुक्यांमुळे दृष्यमानता कमी झाली आहे. परिणामी विमानांच्या उड्डाणांच्या वेळा बदलण्यात आल्या आहेत. त्यामुळे सर्व प्रवाशांना आता या गोष्टीची नोंद घ्यावी लागणार आहे.

पुण्यातील लोहगाव परिसरात असलेल्या विमानतळाच्या परिसरात रात्रीपासूनच दाट धुकं पसरलेलं होतं. त्यामुळे रात्रीपासूनच दृष्यमानता कमी झालेली होती. त्यानंतर सकाळी विमानतळ प्रशासनाने हा निर्णय घेतला आहे. तर मुंबईत देखील अनेक उड्डाणांच्या वेळा बदलण्यात आल्या आहेत.