गोवा : मला भाजपातील (BJP) काही वरिष्ठ नेत्यांनी पक्षात येण्याची ऑफर दिली होती. मात्र, मी पवार यके पवार म्हणत ती ऑफर धुडकावून लावली. मुश्रीफांच्या (Hasan Mushrif) या वक्तव्याचा विरोधी पक्षनेते देवेंद्र फडणवीस (Devendra Fadnavis) यांनी चांगलाच समाचार घेतलाय. देशाच्या इतिहासात पहिल्यांदाच असं झालं असेल, जो एखादा व्यक्ती भ्रष्टाचाराविरोधात तक्रार करण्यासाठी पोलिसात निघाला असताना पोलिस त्याला अडवितात, त्याला घरात कोंडून ठेवतात. हे तर ठोकशाहीचच सरकार आहे. स्वतंत्र भारतात अशा प्रकारची कायदा सुव्यवस्था पाहायला मिळाली नाही. हे खूपच भयानक असून आम्ही किरीट सोमय्यांच्या (BJP leader kirit somaiya) पाठिशी ठामपणे उभे आहोत, असे सांगत त्यांनी मुश्रीफांच्या भाजप प्रवेशाची खिल्ली उडवली.

आज भाजप नेते किरीट सोमय्यांनी कऱ्हाडात पत्रकार परिषद घेत मंत्री हसन मुश्रीफांचे घोटाळे उघडकीस आणण्याचा प्रयत्न केला. त्यांच्यावर सडकून टीकाही त्यांनी केली. त्याच पार्श्वभूमीवर माजी मुख्यमंत्री देवेंद्र फडणवीस यांनीही मुश्रीफांवर निशाणा साधलाय. भाजपचे राज्य निवडणूक प्रभारी महाराष्ट्राचे माजी मुख्यमंत्री देवेंद्र फडणवीस हे दोन दिवसांच्या दौऱ्यावर आज (सोमवार) गोव्यात आले आहेत. विमानतळावर प्रदेशाध्यक्ष सदानंद शेट तानावडे, संघटन सचिव सतीश धोंड, सार्वजनिक बांधकाम मंत्री दीपक पावसकर, नगरविकास मंत्री मिलिंद नाईक यांनी त्यांचे स्वागत केले. दरम्यान, फडणवीस यांनी किरीट सोमय्या यांच्यावरील कारवाई चुकीची असल्याचे नमूद करुन मुख्यमंत्री उद्धव ठाकरेंवर टीका केली आहे.

मला भाजपातील काही वरिष्ठ नेत्यांनी पक्षात येण्याची ऑफर दिली होती. मात्र, मी पवार यके पवार म्हणत ती ऑफर धुडकावून लावली. मुश्रीफांच्या या वक्तव्याचा देवेंद्र फडणवीस यांनी चांगलाच समाचार घेतलाय. यावर फडणवीसांनी मुश्रीफांना कोणी ऑफर दिली? असा प्रतिप्रश्न करत ऑफर लेटर घेऊन आम्ही थोडीच फिरत असतो का? आमचे ऑफर लेटेर कोठेही रस्त्यावर पडलेले नाही, असा सणसणीत टोला माजी मुख्यमंत्री फडणवीसांनी मुश्रीफांना लगावला आहे.