दसऱ्याच्या निमित्तानं शिवतीर्थावर शिवसेना पक्षप्रमुख उद्धव ठाकरेंचे जोरदार भाषण झाले. मात्र त्याचे पडसाद राज्याच्या राजकारणावर संमिश्र पद्धतीनं उमटताना दिसत आहे. ठाकरेंनी केलेल्या आरोपांना भाजपचे ज्येष्ठ नेते नारायण राणे यांनी कडाडून टीका केलीय. राणे यांनी तीव्र शब्दांत आपल्या भावना व्यक्त केल्या आहेत.

यावेळी राणे यांनी ठाकरेंच्या एकेरी भाषेत उल्लेख करुन भाजपवर केलेल्या टीकेचा वचपा काढला आहे. पत्रकार परिषदेमध्ये राणे यांनी मोठा गौप्यस्फोट केला आहे. "म्हणले उद्धव ठाकरे यांनीच सदा सरवणकर यांना मनोहर जोशी यांच्या घरावर हल्ला करायला सांगितलं होतं" आणि मला मारण्यासाठी देखील उद्धव ठाकरे यांनी छोटा राजन आणि छोटा शकील यांना सुपारी दिली होती, परंतू मी त्यांना पुरून उरेलो.

मी आजही जिवंत आहे. मला कोणीही मारू शकलं नाही, असा घणाघात नारायण राणे यांनी केला आहे. 2019 च्या निवडणूकीत उद्धव ठाकरे यांनी मोदी यांचे नाव आणि फोटो लावून निवडणूक लढली. ती जिंकली. आणि आता मोदींवर टीका सुरु केली आहे असं देखील राणे म्हणाले.