राणा दाम्पत्याच्या मातोश्रीसमोर हनुमान चालिसा पठण करण्याच्या हट्टामुळे शिवसैनिक त्यांच्यावर चांगलेच संतापले आहेत. शिवसेना आणि राणा दाम्पत्यातली ही ठिणगी अद्याप धुमसत आहे. अशातच आता संजय राऊत (Shivsena MP Sanjay Raut) आणि राणा दाम्पत्य समोरासमोर येणार आहेत.

खासदार नवनीत राणा आणि संजय राऊत हे संसदेच्या परराष्ट्र व्यवहार समितीच्या अभ्यास दौऱ्याच्या निमित्ताने लेहमध्ये आले आहेत. यावेळी शिवसेना आणि राणा दाम्पत्यांमधली ठिणगी थंड होणार का, अशा चर्चा सुरू आहेत. खासदार नवनीत राणा (MP Navneet Rana) आणि संजय राऊत दोघेही या समितीचे सदस्य आहेत. महाराष्ट्रातून प्रकाश जावडेकरही या दौऱ्यासाठी जाणार आहेत.

मातोश्रीवर हनुमान चालिसा पठणावरून सध्या दोन्ही नेत्यांमध्ये वाक्-युद्ध सुरू आहे. त्या पार्श्वभूमीवर या दोघांमध्ये काय चर्चा होणार, वादाची ठिणगी थंडावणार का? काही हलकेफुलके क्षण, दोन्ही नेत्यांमधल्या अनौपचारिक गप्पा राज्याला पाहायला मिळतील का? याकडे सध्या लक्ष लागून राहिलेलं आहे.