मुंबई : नार्कोटिक्स कंट्रोल ब्युरो (Narcotics Control Bureau) म्हणजेच एसीबीने (NCB) आज भारतीय नौदलाच्या (Indian Navy) मदतीने अंमली पदार्थाने भरलेल्या एक जहाज सीझ केले आहे. या कारवाईबाबत भारतीय नौदलाने स्वत: ट्विट करत माहिती दिली आहे. एनसीबीने ड्रग्जविरोधात केलेली ही आतापर्यंतची सर्वात मोठी कारवाई आहे.

कारावाईदरम्यान, जहाजातून तब्बल 800 किलो अंमली पदार्थ जप्त करण्यात आले असून, यामध्ये चरस (Charas) आणि हेरॉईनचा (Heroin) आदी ड्रग्जचा समावेश असून, या अंमली पदार्थाची बाजारातील किंमत तब्बल 2 हजार कोटी रुपये इतकी आहे. भारतीय नौदल देशाला ड्रग्जमुक्तीसाठी योगदान देण्यास कटिबद्ध असल्याचे देखील ट्विटमध्ये नमुद करण्यात आले आहे.

या कारवाईत समुद्रातून 529 किलो चरस, 234 किलो क्रिस्टल मेथाम्फेटामाइन आणि काही प्रमाणात हेरॉईन जप्त करण्यात आले आहे. एनसीबी या प्रकरणाचा पुढील तपास करत आहे. या कारवाईत नेमकं किती जणांना अटक करण्यात आलंय याबाबतची माहिती मिळालेली नाही.