क्रूझ ड्रग पार्टी प्रकरणात एनसीबीने केलेल्या कारवाईवरून सध्या एनसीबी आणि झोनल डायरेक्टर समीर वानखेडे यांच्या कारवाईवर गंभीर प्रश्न उपस्थित केले जाता आहेत. विशेष म्हणजे या प्रकरणातील पंच असणाऱ्या के.पी. गोसावी यांचा सहकारी प्रभाकर साईलनेच या प्रकरणी एनसीबी आणि समीर वानखेडे यांच्याविरोधात काही आरोप केल्यानं हे प्रकरण अधिक गुंतागूंतीचं होत गेलं. साईलने केलेल्या आरोपांनंतर एनसीबीनं एनडीपीएस कोर्टात धाव घेतली होती. त्यावर आता कोर्टाने एनसीबीनं केलेली फेटाळली आहे.

के.पी. गोसावी हे क्रूझ प्रकरणातील एक पंच असल्याचं एनसीबीने सांगितलं होतं. गोसावी यांच्यावर वेगवेगळे आरोप होत असतानाच त्यांचे सहकारी प्रभाकर साईल यांनी या प्रकरणाबद्दल एक खळबळजनक खुलासा केला. त्यानुसार या प्रकरणात 25 कोटी रुपयांचा सौदा झाल्याचा आरोप साईलन केलाय. त्यानंतर लगेचंच एनसीबीने प्रभाकर साईलचा दावा ग्राह्य धरू नये अशी मागणी करत एनडीपीएस कोर्टात धाव घेतली होती. त्यावर आता कोर्टानं ही मागणी फेटाळून लावली आहे. तसंच एनसीबीनं योग्य कोर्टात दाद मागावी असं सांगितलंय.