मुंबई : नार्कोटिक्स कन्ट्रोल ब्युरोचे (NCB) विभागीय संचालक समीर वानखेडे यांच्यावर लाचखोरीचे गंभीर आरोप केलेल्या प्रभाकर साईल याला एनसीबीनं चौकशीसाठी समन्स पाठवलं आहे. येत्या गुरुवारी म्हणजेच २८ ऑक्टोबर रोजी साईलला एनसीबीच्या कार्यालयात हजर राहण्याचे निर्देश देण्यात आले आहेत.

एनसीबीच्या कारवाईदरम्यान प्रभाकर साईल हा पंच म्हणून हजर होता, म्हणजेच तो या क्रूझ ड्रग्ज केसमधील साक्षीदार आहे. त्याचं एक प्रतिज्ञापत्र सोशल मीडियातून व्हायरल झालं आहे, यामध्ये त्याने समीर वानखेडे यांच्यावर २५ कोटी रुपयांच्या व्यवहाराचे आरोप केले आहेत. या पार्श्वभूमीवर एनसीबीकडून साईलला चौकशीसाठी बोलावण्यात आलं आहे.