उपमुख्यमंत्री देवेंद्र फडणवीस निपाणीमध्ये जाहीर सभेमध्ये राष्ट्रवादी काँग्रेसवर हल्लाबोल केला होता. राष्ट्रवादी काँग्रेस साडेतीन जिल्ह्यांचा पक्ष आहे, कर्नाटकात काय डोंबल करणार? हे पार्सल महाराष्ट्रात पाठवा त्याचे काय करायचे ते पाहतो, असं फडणवीस म्हणाले होते. फडणवीसांच्या या व्यक्तव्याला निपाणीमध्येच उत्तर देणार असं शरद पवार म्हणाले होते. अशातच या टीकेवर जयंत पाटील यांनी उत्तर दिलं आहे.

फडणवीसांच्या या टीकेनंतर आता राष्ट्रवादी काँग्रेसने निपाणीमध्येच जाहीर सभा घेत जोरदार प्रत्युत्तर दिलं आहे. राष्ट्रवादी काँग्रेसचे प्रदेशाध्यक्ष जयंत पाटील यांनी आपल्या शैलीमध्ये फडणवीसांवर हल्लाबोल केला आहे. जयंत पाटील पुढे म्हणाले की, 'देवेंद्र फडणवीस म्हणाले राष्ट्रवादी काँग्रेस हा साडेतीन जिल्ह्याचा पक्ष आहे. मात्र, भारतीय जनता पक्षाने तुम्हाला फौजदाराचा हवालदार केला आहे आणि तुम्ही आमची मापं काढावी का? असं पाटील म्हणालेत.

तर शरद पवार यांच्या झंझावातात 2024 ला राष्ट्रवादी काँग्रेस पक्ष महाराष्ट्रातील सर्वात मोठा पक्ष होणार असल्याचे जयंत पाटील म्हणालेत. राष्ट्रवादी काँग्रेस पक्षाने निर्णय घेतला की कर्नाटकात जाऊन शेतकऱ्यांचे, तरुणांचे, सर्वसामान्य नागरिकांचे प्रश्न सोडवण्यासाठी या निवडणुकीत उतरायचं असं ते म्हणालेत.

या देशात हुकूमशाही वाढत चालली आहे. विरोधात बोलणाऱ्यांना गप्प बसवण्याचं काम सध्या सुरू आहे. कर्नाटकात धर्मनिरपेक्ष विचारांचे सरकार यावं अशी आमची इच्छ आहे. आमचे चार ते पाच आमदार निवडून येतील. यावर्षी कर्नाटक राज्यात भाजप सरकार येणार नाही असं ते म्हणाले आहेत.

अजित पवारांचं देवेंद्र फडणवीसांना उत्तर

आम्ही साडे तीन जिल्ह्यातले आहोत. तर, त्यांनी आमच्या नेत्यांबाबत चिंता करता कामा नये. भाजपचे नेते राष्ट्रवादी नेहमी आमच्या बद्दल बोलत असतात. शिवसेना फोडली आणि काँग्रेसबद्दलही तसाच प्रचार भाजपकडून करण्यात येतो