राष्ट्रवादीचे अध्यक्ष शरद पवार यांनी राजीनामा देण्याचं जाहीर केल्यानंतर राजकारणात खळबळ उडाली असून नवीन अध्यक्ष कोण होणार याची चांगलीच चर्चा रंगली आहे. पण, आता खासदार सुप्रिया सुळे यांच्या नावाची चर्चा आघाडीवर आहे. आजच्या बैठकीमध्ये सुप्रिया सुळे यांच्या नावाची चर्चा झाल्याची माहिती राष्ट्रवादीचे प्रदेशाध्यक्ष जयंत पाटील यांनी दिली आहे.
राष्ट्रवादीची आज सकाळी महत्त्वाची बैठक पार पडली. या बैठकीला राष्ट्रवादी सगळेच नेते हजर होते. पवार यांनी समिती नेमली आहे त्या समितीची ही बैठक होती. या बैठकीनंतर जयंत पाटील यांनी माध्यमांशी संवाद साधला आहे. तर पुढे बोलताना जयंत पाटील म्हणाले कि, 'पवार साहेबांच्या नेतृत्वामुळे देशात राष्ट्रवादी पक्ष वाढला आहे. देशभरात कार्यकर्ते हे त्यांच्या नावामुळे जोडले गेले आहेत'.
महाराष्ट्रातील कार्यकर्त्यांच्या मनात वेगळा विचार येणार नाही. आम्ही आज सांगतोय, त्यांनी ही निर्णय बदलावा. आमचा पहिला प्रयत्न आहे की, पवार साहेबांनी अध्यक्ष राहावं, लोकसभा आणि विधानसभा निवडणुकीपर्यंत त्यांनीच राहावं अशी कार्यकर्त्यांची मागणी असल्याचंही पुढे पाटील म्हणाले आहेत.
तर पुढे जयंत पाटील म्हणाले की, 'आम्ही सगळे एकत्र आहोत, कुणाचं नेतृत्व मान्य करू नये, असं काही नाही. पवार साहेबांनी अध्यक्षपदी राहावं अशी सर्वांचीच मागणी आहे. देशभरात राष्ट्रवादी वाढवण्यासाठी आणि चर्चेसाठी शरद पवार साहेबांची गरज आहे, असंही जयंत पाटील म्हणाले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.