आमदार रोहित पवार यांचा एक व्हिडीओ सध्या सोशल मीडियावर व्हायरल होत आहे. या व्हिडीओत त्यांनी एका साळुंकीला जाळ्यातून सोडवल्याचं दिसत आहे. रोहित पवारांच्या अनेक समर्थकांनी हा व्हिडीओ शेअर, रिट्वीट आणि कमेंट्सही केल्या आहेत.

राष्ट्रवादीचे आमदार रोहित पवार यांनी स्वतः ट्वीट करत याची माहिती दिली आहे. तसंच त्यांनी हा व्हिडीओ शेअर केला आहे. मतदारसंघात अवकाळीने झालेल्या नुकसानीची पाहणी करताना द्राक्षाच्या संरक्षणासाठी लावलेल्या जाळ्यात अडकलेल्या साळुंकीला (लांडी) जाळ्यातून सोडवून मुक्त केलं, असं पवारांनी आपल्या ट्वीटमध्ये म्हटलं आहे.

रोहित पवार हे कर्जत जामखेड मतदारसंघाचे आमदार आहेत.